الرئيسيةالرئيسية  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 قصه تضحك مررررررره لاتفوتكم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الدلوعه

avatar

انثى
عدد الرسائل : 3137
العمر : 21
الموقع : فـــ قلب نانسي ــي
المزاج : دلوعه
الدوله :
السٌّمعَة : 19
نقاط : 10010462
تاريخ التسجيل : 06/10/2007

بطاقة الشخصية
نقاط:
1000/1000  (1000/1000)
الوسام:
وصف:

مُساهمةموضوع: قصه تضحك مررررررره لاتفوتكم   الخميس مارس 27, 2008 11:26 am

حبيت أعرض لكم هذي القصه المضحكه:

أتمنى أن تنال أعجابكم

عندي ولد خاله اسمه (راشد) .. ما فيه ولا سنتيمتر مربع في جسمه إلا فيه (فلقة) وإلا طقة !! لدرجة كنا نسميه (خالد بن الوليد) .. ويخسى ويعقب يجي ربع ربع خالد بن الوليد .. لكن عشان هالـ(صعارير) والـ(طقوق) اللي فيه .. قد مسكه الكهرب .. وهو عمره ثلاث سنين .. ونضفه نفضه .. وتفله تفلة ومن عقبها راشد وهو ماش !!






وراشد سبحان الله العظيم .. من النوع اللي يجي راسه (ثري دي ) يعني ثلاثي أبعاد .. يعني أنس تشوف وجهه كامل إذا صرت قدامه على طول !! لازم تبعد شوي عشان تبدأ تشوف ملامحه !! وكانت جبهته اكبر من راسه .. لدرجة اذا جاه صداع وراح يكشف .. حط الدكتور السماعة على الجبهه .. فتوخرها خالتي ويحطونها على راسه .. وينحرج الدكتور !!

المهم يوم دخلوه المدرسة .. جلس في أولى الين تقاعدوا نص المدرسين ..لدرجة كل البزران يفسحون بالساحة .. إلا هو يفسح مع الفراشين !! ويوم جاء العفو عن اللي في السجن .. شمل راشد العفو .. ونجحوه لثاني .. لأن أبوان الطلاب اشتكوا !! وقالوا ريحة ثياب عيالنا (دخان) !! وقام يحّلف لهم راشد أنه ما قدّ دخن في الفصل .. بس ماش ماصدقوه .. !!

و كنا ندور في السياكل على الحارات الثانية .. وكان راشد قدامنا بلحاله معه سيكل (مقاس 26) !! أكبر مقاس !! وحنا سياكل مقاس (16) .. حتى مرة لحقونا الدورية يحسبونا .. لاحقين أفغاني ونتحرش فيه !! ويوم تأكدوا أنه تبعنا راحوا !!
بس هالراشد فيه فزعة بحياتي ما قد شفتها في أحد .. وكلش عنده يهون .. بس ما أحد يتكلم على أحد من عيال الحارة !! واذكر إذا صار فيه (طقاق) لازم يجيبونه يستغلون جبهته !!
كانوا الحريم يتغطون عنه وهو في ثالث !! يعني مكبوت كبت موب طبيعي !!






المهم تذكرون منول .. عيال الحارة .. وشلون متكاتفين !! يعني لو ابوك يطقك !! يمكن يجون يفرشونه !!

وكنا مقابلين خشش بعض اربع وعشرين ساعة .. وتعرفون (كورة .. وتمشي ..وطفرة .. وعشش حمام) ..

المهم إذا جينا نلعب .. خلينا راشد حكم .. لأن ما في راسه كورة .. قد ناولت له .. وهو منفرد .. وأخذ عزم عشان يمزعها .. جاء واحد وقطع منه الكورة !! واثر رجل راشد مازالت في الهواء متجهه للكورة .. وشات ذاك مع بطنه بدون كورة .. ومن ذاك الوقت الى الحين وخوينا الممزوع فيه (كلى) .. !!
ومن ذاك الوقت برضو ما عاد لعبناه معنا !! وهو بلحاله من بد عيال الحارة اللي عندهم تلفزيون .. فكان يعرف يرمي الاوت صح !! لأنه متعود على ترجيم (سطول التمر) .. لدرجة إذا جانا آوت .. كن جاينا بلنتي من الفرحة .. لأن راشد يجي مسرع ويقعد يطامر ويذب الكورة بيدينه كنه راجم حصاة .. وكان مطلعّ قانون اذا خشت الكورة حتى لو مالمسها ابن أمه تعتبر هدف ..!! و قد عارضه واحد .. وجلده وشق ثوبه .. ولا عاد صرنا نعارضه عقبها .. !!









المهم كان لي عم راعي سفريات !! وروحات وجيّات .. فكان ياخذني معه .. وراشد موب لزقة أبد !! فدايم يروح معنا .. ومرة من المرات .. رايحين ناخذ عمره .. وهو معنا .. المهم إن عمي قال لنا اللي يضيع يرقى للدور الثاني .. ويقز جبهة راشد والوعد عندها !! لأنها واضحة وتبان من بعيد !!




المهم أخذنا عمرتنا .. ويوم طلعنا من الحرم .. تعرفون شقق مكة منول .. فتحة الدريشة أكبر من فتحة الباب .. فيوم جينا نخش تورطنا براشد .. المهم حاولنا بجبهته وأشوى خششناها ..!!




يوم جاء حول العصرية .. قال عمي يالله قوموا نبي نصلي بالحرم .. رحنا وصلينا وحنا في الحرم .. تعرفت على بزارين (حجازيين) .. كانوا بجنبنا .. ويناظرون راشد ومستغربين .. كنهم شايفين (مكوك فضائي) .. المهم تعرفنا عليهم .. وقالوا وش رايكم تلعبون (معانا كورة في المسفلة) .. عاد كان فيه ملعب فيذاك .. قلت ذا معتزل اللعب دوليا اقصد راشد .. تبونه يحكّم لكم .. يالله مشينا .. لكن لعب موب لاعب!!

يوم التفت علينا راشد !! قال اقطع واخس بس !! إلا بألعب !!

المهم :
طلعنا من الحرم واتجهنا للملعب .. وجاء وحاد وحط خط برجله .. وكلنا صفينا عليه .. وطلع اثنين .. واحد بخاري كانوا يسمونه (الكبتن سمعه) .. وطلع خوينا اللي قابلناه في الحرم !!






وقاموا يختارون وأي واحد يختارونه .. يجي ويصف يا وراء سمعه .. وإلا وراء خوينا !!

بقى راشد آخر شي ما أحد آختاره !! وكلن انطلق لملعبه !! قال راشد هيه خير وأنا ؟! قالوا له خلاص اكتملنا سبعة سبعة !!

قال والله لا العب والا والله لا أطق سمعه !!
وأقعد أهدّي راشد !! قلت يا ابن الحلال ما نبي المشاكل !! وبتلعب يالله سو ( بقس - طراق ) ..وهالحركة كننا نسويها وهي كانت (قرعتنا منول) !!
المهم التفت راشد للقبله .. ولقّانا ظهره !!
ورفع يدينه الثنتين وحده على شكل (بقس) ووحده فاردها على شكل (طراق) !! وجاء خوينا واختار (بقس) وسمعه اختار (طراق) !!
و قالوا لراشد يالله (نزّل) يد !!
ونزّل (اليد اللي على شكل بقس) !! وصار مع فريقنا .. يعني ضد (سمعه) ..






عاد راشد مثل ما انتم عارفين .. مافي راسه كورة أبد !!

وكانوا حقين (مكة) لابسين (ترنقات) يعني (تكاميل) إلا أنا وراشد جايين بثيابنا !!

قالوا لراشد .. يالله خلك حارس عشانك ما لبست (تكميلة) !!
قال .. ما أعرف العب إلا (هجوم) !! يلعن أم النصبه !! وبعدين ذا لابس ثوب وش زوده وقام يغز علي !!
أعرفه يا جماعة والله ما يديرها !! وإذا جاء يثبّت الكورة .. كنه شغالة شايفه (خنفسانه بالارض) وقاعده توطيها !!
المهم : اقعنوه يمسك حارس !!
يوم بدأ اللعب !! جانا أوت !!
ويطلع راشد من المرمى !! قال أنا أبرميه .. والحجازية .. زعلوا قالوا : (قول للأهبل هادا خليه .. يرجع للمرمى) !!
قلت لا ما عليكم جربوه في الاوت !!
المهم مسك راشد الكورة .. كنه ماسك (يوسف فندي) .. ورجم الكورة بآخر قوته .. لدرجة بغى ينشق ثوبه .. جت الكورة تمشي الفين .. لم وجه حارسهم !! وخّر عنها حارسهم ودخلت !! وقام يطامر راشد ابتهاجا بالهدف !! وصفّر الحكم قال : عيد الآوت !!
قال راشد : وش اللي عيدوا !! هدف يعني هدف !! من خبرنا نفسنا إذا دخلت الكورة تنحسب !! وقاموا يفهمونه !! وهو معيّي يقول ترا إن ما حسبتوه .. بفرش سمعه !! حاط دوبه ودوب سمعه !! حسيت انه يبي يطقه بأي طريقة !!
و (يحرن راشد يعني استعقد لهم ووقّف) قال والله ما اتحرك الين تحسبونه !! قالوا له اسمع يا ترجع لحارسك .. يا تطلع برا !! وهدف ما حنا بحاسبينه !! وجابوا واحد يبخص في القانون .. ودايم يتمرن في (الشرايع) يسمونه (عبدو) !! طلعوا اثنين وراحوا للحرم لم محل (خردوات) لأن عبدو (له محل فيذاك ) وسألوه عن (آوت راشد) !!
وقال لهم : ما يحسب !!
المهم كبرت السالفة !! وراشد هالبجيح ماسكه معه معابط يحسبه في الحارة !!
آخر شي اقتنع !!
و خلّى واحد ثاني يرمي الآوت .. ورجع للباب !!
استمر اللعب .. وأنا جالس دفاع .. جاء وسحب فيني واحد سحبه .. بغت تجي خشتي في الارض !! لدرجة راشد ضحك !! يوم انتهت الهجمة .. قلت يا حمار وراك تضحك وأنا مع فريقك!! قال ايه أحسن وراهم ما حسبوا هدفي !! قلت تراك ذليتنا انت وجبهتك هاللي تسنها (ابريق) عروس !!
استمر اللعب .. وجتهم هجمه مرتدة .. وراشد حارس !!
يوم دريت مار ينطلق راشد من الحارس !! كنه جمس قاطعن إشارة .. وراه غبرة .. ويتقابل وجه بوجه هو واللي منفرد !! ويمزع أمها راشد .. وتجي صاروخ .. وتدخل هدف لنا !!
عجزت أتخيل أن راشد يسوي شي صح في حياته !!
وينطلقون فريقنا يبي يحبّون راشد ويطامرون عليه !!
يوم شافهم جايين لمه يركضون !! فهم غلط .. يحسب فيه دورية جاية وإلا (هيئة ) .. والتفت راشد لم جهة حارسنا وانحاش !!
وذا المبزرة لاحقينه .. وهو يناظرهم ومنحاش !!
يالله وقفناه عند محل عبدو !!
وهديناه !! وفهمناه هالدبشة !!
استحى راشد .. ورجع معنا للملعب .. !!
وخلصت المباراة 3 - 1 لنا .. ومن عقبها كل ما جيت لمكة رحنا للمسفلة .. وجلسنا مع سمعة والعيال .. لأنهم صاروا اصدقانا !!






المهم ما يستفاد من القصة !! (( رغم البهارات الشويّة اللي فيها <<-- صفقني شوية )) !!




أن راشد وتفكير راشد يذكرني ببعض اللاعبين اللي آخذين الدنيا عبط !! وكل شي بالطقاق !!

فاللي يمارسه على عيال حارتهم !! يحسبه يمشي على غيره!!

فإذا شاف (القانون) وشاف الحجة .. انلخم وسكت !!
ويا كثر اللي في ملاعبنا .. من نوعية راشد !!
فالواجب "نتعامل مع عقليات راشد" بكل حزم !! وجدية !!
عشان تزول هالظاهرة من (ملاعبنا) !!
فتقريب وجهات النظر !! والتحاور بالمنطق !!
و (الابتعاد) عن "تمجيد" بعض اللاعبين !! وإعطاءهم صلاحيات و الترييش بهم .. لحد ما يوصل لمرحلة (يحس أنه هو بلحاله الصح) !! وأي واحد يعارضه !! غلطان !!
وصدقوني قاعد أشوف هالشيء في بعض لاعبي المنتخب اللي (أبعدوا) لأنهم تفاجؤوا (بالواقع) !! وعكس ما كانوا يعتقدون !!






اعتذر بقوة عن الإطالة .. وامسحوها في جبهة راشد !!



الرجوع الى أعلى الصفحة اذهب الى الأسفل
http://nancy19.mam9.com
عاشقة نانسي



انثى
عدد الرسائل : 196
العمر : 25
المزاج : اوكي
السٌّمعَة : 0
نقاط : 10000431
تاريخ التسجيل : 11/10/2007

مُساهمةموضوع: رد: قصه تضحك مررررررره لاتفوتكم   الجمعة أبريل 25, 2008 1:48 pm

اللبه يعطيج العافيه
الرجوع الى أعلى الصفحة اذهب الى الأسفل
**شذاوي كول**

avatar

عدد الرسائل : 18
الدوله :
السٌّمعَة : 0
نقاط : 205
تاريخ التسجيل : 23/06/2012

مُساهمةموضوع: رد: قصه تضحك مررررررره لاتفوتكم   الأربعاء يونيو 27, 2012 1:18 am

مشكووووره
الرجوع الى أعلى الصفحة اذهب الى الأسفل
 
قصه تضحك مررررررره لاتفوتكم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: الأقسام الأدبية و الشعرية :: قسم القصص والروايات-
انتقل الى: